انگلینڈ فٹ بال ٹیم کے 5 کھلاڑیوں کا کورونا ویکسین لگوانے سے انکار
لندن (92 نیوز) انگلینڈ فٹ بال ٹیم کے 5 کھلاڑیوں نے کورونا ویکسین لگوانے سے انکار کر دیا۔
پانچ فٹبال کھلاڑیوں کے انکار پر وزیر صحت ساجد جاوید نے مایوسی کا اظہار کیا ہے۔ ساجد جاوید نے کہا کہ پلیئرز نواجونوں کے لیے رول ماڈل ہیں اور انہیں ویکسین لگوانے کی حوصلہ افزائی کرنی چاہیے۔
وزیر صحت نے کھلاڑیوں سے اپیل کرتے ہوئے کہا کہ ویکسین لگوائیں خود کو اور جو آپ کے اردگرد لوگ ہیں ان کو بھی محفوظ بنائیں۔
ذرائع کے مطابق ویکسین سے انکار کرنے والوں میں تین سینئر کھلاڑی بھی شامل ہیں۔ پلیئرز کے ویکسین لگوانے سے انکار کے بعد اگلے سال قطر ورلڈ کپ میں ان کھلاڑیوں پر پابندی لگ سکتی ہے۔