نئی دہلی ( 92 نیوز) انڈین ائیر فورس کا تربیتی طیارہ گر کر تباہ ہو گیا جب کہ طیارے میں موجود دونوں پائلٹ بھی حادثے میں ہلاک ہو گئے ۔
بھارتی میڈیا کے مطابق ریاست تلنگنا میں انڈین ائیر فورس کا تربیتی طیارہ معمول کی پرواز پر تھا کہ اچانک گر کر تباہ ہو گیا ۔ ہلاک ہونے والے پائلٹس میں ایک خاتون پائلٹ بھی تھی ۔
وکراباد پولیس کے مطابق دوپہر 12 بجکر 45 منٹ پر ایک تربیتی طیارہ جس میں دو پائلٹ سوار تھے حادثے کا شکار ہو گیا ۔ طیارہ بیگم پٹ ائیر پورٹ سے اڑا اور اوکرا باد کے مقام پر حادثے کا شکار ہو گیا۔
بھارتی طیارے جے ایف تھنڈر سے گرائے ، ڈی جی آئی ایس پی آر
پولیس کے مطابق کیس رجسٹرڈ کرتے ہوئے لاشیں پوسٹ مارٹم کیلئے بھیج دی گئی ہیں ۔
اس حادثے میں طیارے پر سوار دونوں تربیتی پائلٹ ہلاک ہوگئے ، جن میں سے ایک کی شناخت پرکاش وشال جبکہ خاتون کی امنپریت کورکے نام سے ہوئی ہے ۔
[caption id="attachment_244389" align="alignnone" width="287"]
انڈین ائیر فورس کا تربیتی طیارہ گر کر تباہ ، پائلٹ ہلاک[/caption]
طیارہ بیگم پیٹ ایئرپورٹ سے اڑان بھرتے ہی ریڈار سے غائب ہوگیا تھا۔