انسٹیٹیوٹ آف کارڈیالوجی فیصل آباد میں ایک ارب کی ادویات زائد المیعاد ہونیکا انکشاف
فیصل آباد ( 92 نیوز)انسٹی ٹیوٹ آف کارڈیالوجی فیصل آبادمیں ایک ارب کی ادویات زائد المیعاد ہونے کا انکشاف ہوا ہے ۔ انتظامیہ نے مبینہ کمیشن کی خاطر ادویات کو 7 سال تک ذخیرہ کئے رکھیں۔ زائد المیعاد ہونے کے باوجود ادویات متعلقہ کمپنی سے تبدیل نہ کروائی گئیں۔
ذرائع کے مطابق ادویات میں 70 سے زائد اقسام کی گولیاں ، 60 ہزار مالیت والے انجکشن شامل ہیں ، مریضوں کے لیے خریدے گئے درجنوں اسٹنٹس بھی استعمال کے قابل نہ رہے ۔
ذرائع کا کہنا ہے کہ اسٹنٹس کے لیے اسپتال میں آئےمریضوں کو آپریشن کیلئے ایک سال سے زائد کا وقت دے دیا جاتا ہے ۔