اندرون ملک تمام پروازوں میں کھانے اور مشروبات پر پابندی
کورونا کی دوسری لہر کے پیش نظر این سی اوسی نے سخت ہدایات جاری کردیں ہیں جس کے تحت دوران پرواز مسافروں کو کھانے پینے کی اشیاء فراہم نہیں کی جائیں گی۔
سی اے اے کے ڈائریکٹر ایئر ٹرانسپورٹ کے مطابق سول ایوی ایشن، پی آئی اے سمیت تمام نجی ایئرلائنز اور چارٹرڈ پروازیں اس پر مکمل عملدرآمد کریں گی۔ تمام ایئرپورٹس منیجرز، اے ایس ایف، این سی او سی کی ہدایات پر سختی سے عملدرآمد کرانے کرائیں گے۔
نوٹیفکیشن کے مطابق پرواز کے عملے اور مسافروں کو ماسک کا استعمال بھی لازمی قرار دیا گیا ہے۔ تمام ایئرلائنز اپنی پروازوں میں مسافروں کے ماسک کا استعمال لازمی یقینی بنائیں گی اور ایس او پیز پر مکمل عملدرآمد کرانے کے پابند ہوں گی۔