امن اور استحکام کی ہماری خواہش کو کمزوری نہ سمجھا جائے ، وزیراعظم عمران خان
اسلام آباد (92 نیوز) وزیراعظم عمران خان نے کہا امن اور استحکام کی ہماری خواہش کو کمزوری نہ سمجھا جائے۔
یوم یکجہتی کشمیر کے موقع پر وزیراعظم عمران خان نے ٹوئٹ کے ذریعے بھارت کو امن کی پیشکش کر دی اور کہا کہ ہم امن کیلئے دو قدم آگے بڑھنے کے لیے تیار ہیں۔ ساتھ ہی وزیراعظم نے اس عزم کا اعادہ کیا کہ پاکستان ہمیشہ کشمیریوں کے حق خود ارادیت کی جدوجہد میں اُن کے ساتھ رہے گا۔
سات دہائیوں
سےزائد عرصے پر محیط بھارتی جبر و تسلط حقِ خودارادیت کے حصول کیلئے برسرِ
پیکار کشمیریوں کے پائے استقامت میں لغزش پیدا کرنے میں ناکام رہا ہے۔ اہلِ
کشمیر کی نوجوان نسل اپنی اس جدوجہد کو اب پہلے سے بھی زیادہ قوت سے آگے
بڑھا رہی ہے۔
انہوں نے کہا کہ بھارت اقوام متحدہ کی قراردادوں کے مطابق مسئلہ کشمیر کو حل کرنے میں سنجیدہ ہے تو ہم 2 قدم آگے بڑھائیں گے لیکن امن اور استحکام کی ہماری خواہش کو کمزوری نہ سمجھا جائے۔ بھارت 7 دہائیوں سے کشمیریوں کے جذبہ آزادی کو دبانے میں ناکام رہا ہے۔
بلکہ یہ تو بطور
قوم ہماری قوت اور اعتماد کا نتیجہ ہےکہ ہم اہلِ کشمیر کی جائز امنگوں کے
مطابق معاملے کے منصفانہ حل کیلئے غیر معمولی کاوش پر آمادہ
ہیں۔
اُن کا مزید کہنا ہے کہ کشمیری نوجوان تحریک آزادی کو آگے بڑھائے ہوئے ہیں۔
