امسال پاکستان کی ترقی کی شرح 2.3فیصد رہے گی ، عالمی بینک
اسلام آباد ( 92 نیوز ) عالمی بینک کی تازہ رپورٹ کے مطابق امسال پاکستان میں ترقی کی شرح 2.3 فیصد رہنے کا امکان ہے ۔
عالمی بینک کے مطابق مالی سال 2021 میں پاکستان کے قرضوں کی شرح جی دی پی کے 80.8 فیصد رہنے کی توقع ہے ، پاکستان میں ترقی کی شرح میں کمی کی وجہ سخت مانیٹری پالیسی ہے ، سال 2021 میں پاکستان میں ترقی کی شرح 3 فیصد رہنے کی توقع ہے۔
اپنی تازہ رپورٹ میں عالمی بینک نے ادارہ جاتی اصلاحات سےمعیشت کی صورتحال میں بہتری کی امید کی ہے ، رپورٹ میں کہا گیا ہے کہ پاکستان میں ترقی کی شرح میں بہتری پٹرولیم مصنوعات کی قیمتوں میں کمی سےمشروط ہے جبکہ بین الاقوامی مارکیٹوں میں استحکام بھی پاکستانی ترقی پر مثبت اثرات مرتب کرتا ہے ۔
رپورٹ میں کہا گیا کہ پاکستان میں ترقی کی شرح میں بہتری سیاسی اور سکویرٹی خطرات میں کمی سے منسلک ہے ، سال 2020 میں مہنگائی کی شرح 13 فیصد تک بڑھنے کا خدشہ ہے ، پٹرولیم مصنوعات مہنگی ہونےسےپاکستان میں کرنسی کی شرح تبادلہ بھی بدلنےکاامکان ہے۔
عالمی بینک کے مطابق پاکستان میں سال 2021 میں مہنگائی کی شرح 8.3 فیصد رہنے کی توقع ہے ، سال 2020 میں کرنٹ اکاؤنٹ خسارہ جی ڈی ہی کا 2.6 فیصد رہنے کا امکان ہے ۔