امریکی ٹیکنالوجی کمپنی ٹیسلا نے سولر ٹائلز متعارف کرا دیں
نیویارک (ویب ڈیسک) اب شمسی توانائی کے ذریعے بجلی پیدا کرنے کے لیے سولر پینل خریدنے کی ضرورت نہیں۔ معروف ٹیکنالوجی کمپنی ٹیسلا نے چھتوں پر لگنے والی ایسی خصوصی ٹائلز متعارف کروا دی ہیں جن کے اندر سولر پینلز موجود ہیں۔
تفصیلات کے مطابق امریکی ٹیکنالوجی کمپنی ٹیسلا نے چھتوں پر لگنے والی ایسی ٹائلز متعارف کرائی ہیں جن میں شمسی توانائی کے پینل لگے ہوئے ہیں۔ شیشے کی بنی ان ٹائلز سے نہ صرف توانائی کی ضرورت کو پورا کیا جا سکتا ہے بلکہ یہ خوبصورتی میں بھی اپنی مثال آپ ہیں۔ ٹیسلا نے لاس اینجلس میں ان ٹائلز کی نمائش کی ہے۔