امریکی موٹرسازادارے فورڈ کا میکسیکو میں پلانٹ لگانے کا منصوبہ مؤخر

نیویارک (ویب ڈیسک) امریکہ کے نومنتخب صدر ڈونلڈ ٹرمپ کے اقتدار میں آنے سے پہلے ہی موٹر ساز ادارے فورڈ نے میکسیکو میں اپنا ایک نیا پلانٹ لگانے کا منصوبہ مؤخر کر دیا۔ کمپنی کے اعلان کے مطابق اس کی بجائے وہ امریکا میں ہی برقی گاڑیوں سے متعلق ایک ایسا منصوبہ شروع کریں گے جس سے ملازمتوں کے سات سو نئے مواقع پیدا ہوں گے۔

اگرچہ فورڈ کے سربراہ مارک فیلڈز کا کہنا یہ ہے کہ یہ فیصلہ کسی بھی بیرونی دباؤ کے بغیر کیا گیا ہے تاہم انہوں نے اعتراف کیا کہ اس حوالے سے ڈونلد ٹرمپ کے نائب مائیک پَینس سے بات چیت ہوئی ہے۔