امریکی ماہرین نے کمپیوٹرز اور دیگر ڈیوائسز کیلئے ماﺅس اور کی بورڈ کے متبادل آلہ تیار کر لیا

نیویارک (ویب ڈیسک) ٹیکنالوجی کا زمانہ اپنی تیزرفتار ترقی کا سفر جاری رکھے ہوئے ہیں۔ بڑے بڑے آلات کی جگہ اب چھوٹے آلات لے رہے ہیں بلکہ اب تک مختلف آلات کو یکجا کر کے ایک ہی شکل دینے کی کوششیں بھی ہو رہی ہیں۔ ورچوئل ریالٹی کی آنے والی دنیا میں بھاری بھر کم آلات کی کوئی گنجائش نہیں ہو گی۔ مستقبل کو مدنظر رکھتے ہوئے امریکا میں ایک ایسا آلہ تیار کیا گیا ہے جو بیک وقت ماوس اور کی بورڈ کا کام کرتا ہے۔ اس آلے پر مختلف جگہ ہاتھ پھیر کر حروف ٹائپ کیے جا سکتے ہیں۔ یہ آلہ سمارٹ فون، ٹیبلٹ، سمارٹ واچ اور کمپیوٹرز سمیت تمام آلات کے ساتھ باآسانی استعمال ہو سکتا ہے۔