امریکی ماحولیاتی تبدیلی کانفرنس میں دعوت نہ ملنے پر حیران ہیں، وزیراعطم

اسلام آباد (92 نیوز) امریکا کی طرف سے ماحولیاتی سمٹ میں دعوت نہ ملنے پر وزیراعظم عمران خان نے ردعمل میں کہا، امریکی ماحولیاتی تبدیلی کانفرنس میں دعوت نہ ملنے پر حیران ہیں۔

چنانچہ سرسبزپاکستان، 10 ارب درختوں کا سونامی،ماحول دوست اقدامات اور دریاؤں کی صفائی وغیرہ جیسےاقدامات اٹھائےجارہے ہیں۔KP سےابتداء کرتےہوئےہم 7برس کاوسیع تجربہ حاصل کرچکےہیں اورہماری پالیسیز کی تعریف وتحسین کی جارہی ہے۔کوئی ریاست ہمارےتجربات سےاستفادہ چاہتی ہےتوہم اسکےلئےتیارہیں

— Imran Khan (@ImranKhanPTI) April 3, 2021

ہفتہ کے روز اپنے ٹویٹ پیغام میں انہوں نے لکھا کہ ہماری کی پالیسیاں ماحولیاتی تبدیلی کے اثرات کم کرنے کی جانب گامزن ہیں۔ ہماری پالیسی ہماری آئندہ نسلوں کو صاف ستھرا اور سبز پاکستان کے عزم کے عین مطابق ہے۔ گرین پاکستان کے اقدامات میں 10 بلین ٹری سونامی ، فطرت پر مبنی حل، اپنے دریاؤں کی صفائی وغیرہ شامل ہے۔

انہوں نے لکھا کہ، 7 برسوں میں ماحولیاتی تحفظ کا وسیع تجربہ حاصل کیا ہے۔ خیبرپختونخوا سے آغاز کیا اور ہماری پالیسیوں کو عالمی سطح پر تسلیم اور سراہا گیا۔ تجربے سے سبق حاصل کرنے کے خواہشمند کسی بھی ملک کی مدد کرنے کے لئے تیار ہیں۔

مزید لکھا کہ اقوام متحدہ کی ماحولیاتی تبدیلی کانفرنس 2021 اور سی او پی 26  کے لیے ترجیحات بتا دی ہیں۔ اگر عالمی برادری ماحولیاتی تبدیلی کے اثرات کم کرنے میں سنجیدہ ہے تو فائدہ اٹھائے۔