امریکی فٹ بالر نے قومی ترانے پر کھڑا ہونے سے انکار کر دیا

نیویارک (ویب ڈیسک) امریکی نیشنل فٹ بال لیگ کے کولن کیپرنک نامی کھلاڑی نے سیاہ فاموں اور دیگر اقلیتوں کے ساتھ ناروا سلوک پر احتجاج کرتے ہوئے امریکی قومی ترانے کے دوران کھڑا ہونے سے انکار کر دیا۔ کولن کے اس احتجاج پر امریکی شدید ردعمل کا اظہار کر رہے ہیں۔ فٹ بال ٹیم کے امریکی مداحوں نے کولن کیپر نک کی جرسی نذرآتش کی اور سوشل میڈیا پر بھی ان کے خلاف بیان بازی کی جا رہی ہے جبکہ کولن کے ساتھیوں نے کولن کے آواز اٹھانے کو صحیح قرار دیتے ہوئے ان کی حمایت کی ہے۔ کولن کیپرنک سان فرانسسکو کی ٹیم کی طرف سے کھیلتے ہیں۔