امریکی صدر کا ہیدر نوئرٹ کی اقوام متحدہ میں امریکی مندوب تعیناتی پر غور

واشنگٹن (92 نیوز) امریکا کے صدر ڈونلڈ ٹرمپ نے اقوام متحدہ میں امریکی مندوب کیلئے ترجمان محکمہ خارجہ ہیدر نوئرٹ کی تعیناتی پر غور شروع کر دیا۔ امریکی میڈیا کے مطابق ڈونلڈ ٹرمپ نے ہیدر نوئرٹ کو عہدے کی باقاعدہ پیشکش کی ۔ یہ واضح نہیں ہوسکا کہ انہوں نے یہ پیشکش قبول کی ہے یا نہیں۔ ہیدر نوئرٹ  اپریل دو ہزار سترہ سے  بطور ترجمان امریکی محکمہ خارجہ  کے فرائض سر انجام دے رہی ہیں ۔ موجودہ امریکی مندوب نکی ہیلی نے گزشتہ ماہ نجی  مصروفیات پر عہدے سے استعفیٰ دے دیا تھا۔ وہ رواں سال کے آخر میں باقاعدہ طور پر  اپنا عہدہ چھوڑ دیں گی۔