امریکی صدر جوبائیڈن کا اسلحے پر کنٹرول کیلئے ایگزیکٹو اتھارٹی کے استعمال کا فیصلہ
واشنگٹن (92 نیوز) امریکی صدر جوبائیڈن اسلحے پر کنٹرول کیلئے پرعزم ہیں، ایگزیکٹو اتھارٹی کے استعمال کا فیصلہ کرلیا۔
جو بائیڈن مسلح تشدد کے خاتمے کیلئے تین ایگزیکٹوآرڈرز پر دستخط کریں گے، کہتے ہیں بہت ہوچکا، تشدد ہرصورت رکنا چاہئے، امریکا میں ہر روز 360 افراد گولیوں کا نشانہ بنتے ہیں۔
اُن کا کہنا تھا کہ، لوگوں کی ہتھیاروں تک رسائی کو مشکل بنائیں گے، محکمہ انصاف ریڈ فلیگ قانون سازی کا مسودہ تیار کررہا ہے۔