امریکی صدر باراک اوباما کا پناہ گزینوں اور امریکا آنیوالوں کا بھرپور دفاع
واشنگٹن (ویب ڈیسک) امریکی صدر براک اوباما امریکا آنے والے پناہ گزینوں کے دفاع میں سامنے آ گئے ہیں۔ ان کا کہنا ہے کہ امریکی تاریخ مہاجرت کی ہی کہانی ہے۔
امریکی شہریت دیئے جانے کی تقریب سے خطاب کرتے ہوئے اوباما نے امریکا آنے والے افراد اور پناہ گزینوں کا بھرپور دفاع کیا اور امریکی شہریوں پر زور دیا کہ وہ نفرت اور تعصب کے خلاف آواز بلند کریں۔ ان کا کہنا تھا کہ امریکی مہاجرین کی اولاد ہی تو ہیں۔
اوباما نے ڈونلڈ ٹرمپ کا نام لئے بغیر کہا کہ شاید دوسرے اپنی تاریخ بھول گئے ہیں۔ آج امریکا آنے والوں کی طرح ان کے باپ دادا بھی باہر سے آئے تھے۔ ری پبلکن پارٹی کے صدارتی امیدوار ڈونلڈ ٹرمپ کے آباؤاجداد آئرش تھے۔ ٹیڈ کروز اور مارکو روبیو کیوبن مہاجرین کی اولاد ہیں لیکن یہ تمام رہنما شامی مہاجرین کے امریکا آنے کی مخالفت کر رہے ہیں۔