امریکی سینیٹ نے حکومتی اخراجاتی اور بارڈرسکیورٹی بل پاس کر دیا

 واشنگٹن (92 نیوز) امریکی سینیٹ نے حکومتی اخراجاتی اور بارڈرسکیورٹی بل پاس کردیا ۔ بل میں میکسیکو سر حد پر دیوار کی تعمیر کے فنڈز کا اجرا شامل نہیں ہے۔ ری پبلکن سینیٹر مچ میکونل کا کہنا ہے کہ امریکی صدر ڈونلڈٹرمپ حکومتی اخراجاتی بل پر دستخط کیلئے تیار ہیں۔ صدر ٹرمپ بل پر دستخط کیساتھ ہی ملک میں ایمرجنسی کا اعلان بھی کردیں گے۔ ادھر امریکی ڈیموکریٹس نے ٹرمپ کو ملک میں ایمرجنسی لگانے سے منع کردیا ہے۔ نینسی پیلوسی کا کہنا ہے کہ صدر ٹرمپ نے ملک میں ایمرجنسی لگائی تو قانونی چارہ جوئی کر سکتے ہیں۔ ملک میں ایمرجنسی کے نفاذ کے بعد ٹرمپ کانگریس کی اجازت کے بغیر فنڈز   میں ردو بدل کر سکیں گے۔