امریکی خفیہ ادارے ایف بی آئی نے یوم آزادی پر دہشتگردی کا منصوبہ ناکام بنا دیا
کلیولینڈ (92 نیوز) امریکی خفیہ ادارے ایف بی آئی نے دہشتگردی کا منصوبہ ناکام بناتے ہوئے القاعدہ سے منسلک ایک شخص کوگرفتار کر لیا۔
ایف بی آئی حکام نے پریس کانفرنس کرتے ہوئے امریکی شہری ڈمیٹریس پٹس کی گرفتاری کا اعلان کیا۔
حکام کے مطابق ملزم چار جولائی کو یوم آزادی کی تقریبات کے دوران فوجی اہلکاروں پر بم حملوں کی منصوبہ بندی کر رہا تھا۔اس سلسلے میں اُس نے کلیو لینڈ اور فلاڈیلفیا میں مقامات کا انتخاب بھی کررہا تھا۔
حکام نے مزید کہا کہ ایف بی آئی گزشتہ ایک سال سے ملزم کی مانیٹرنگ کر رہا تھا۔ڈمیٹریس پٹس کو بیس سال قید کی سزا کا سامنا کرنا پڑ سکتا ہے ۔