امریکہ نے مقبوضہ بیت المقدس کو اسرائیل کا دار الحکومت تسلیم کر لیا

واشنگٹن ( 92 نیوز ) امریکہ نے مقبوضہ بیت المقدس کو سرکاری طورپر اسرائیل کا دار الحکومت تسلیم کرنے کا اعلان کر لیا ۔ امریکی صدر ڈونلڈ ٹرمپ نے اپنے خطاب میں کہا کہ اب وقت آگیا ہے کہ مقبوضہ بیت المقدس کو سرکاری طور پر اسرائیل کا دار الحکومت تسلیم کر لیا جائے ۔
واشنگٹن میں خطاب کے دوران ڈونلڈ ٹرمپ نے کہا کہ امریکہ نے مقبوضہ بیت المقدس کو اسرائیل کا دارالحکومت تسلیم کرنے کا فیصلہ امریکہ اسرائیل تعلقات کی بہتری کیلئے کیا ۔
قبل ازیں امریکی صدر ڈونلڈ ٹرمپ نے گفتگو کرتے ہوئے کہا کہ امریکی سفارتخانےکی یروشلم منتقلی بہت عرصےسےرکی ہوئی تھی ۔ کئی امریکی صدورنے کہاوہ یہ کام کرناچاہتےہیں لیکن نہیں کیا۔ شائد یہ ہمت کی بات تھی یاانھوں نےاپناذہن تبدیل کرلیاکچھ کہہ نہیں سکتا۔