امریکا کا دولت اسلامیہ کیخلاف شامی باغیوں کی عسکری تربیت کا اعلان، پندرہ ہزار شامی جنگجوؤں کی ٹریننگ کرینگے: امریکی وزیر دفاع
واشنگٹن (ویب ڈیسک) امریکا نے دولت اسلامیہ کے خلاف مؤثر کارروائی کیلئے شامی باغیوں کے ایک گروپ کی اردن میں عسکری تربیت شروع کردی ہے۔
امریکی وزیر وفاع ایشٹن کارٹر کا ایک پریس کانفرنس میں کہنا تھا کہ امریکا اگلے تین برسوں میں پندرہ ہزار جنگجوؤں کی تربیت کرے گا جو شدت پسند تنظیم دولت اسلامیہ کے خلاف لڑائی میں حصہ لیں گے۔
وزیر دفاع ایشٹن کارٹر کا مزید کہنا تھا کہ نوے افراد کی اردن میں ایک محفوظ مقام پر تربیت جاری ہے۔ جلد ہی اسی طرح کے مزید جنگجوؤں کی اردن، ترکی، قطر اور سعودی عرب میں تربیت شروع کی جائے گی۔
ان کا کہنا تھا کہ امریکا دوران تربیت ان جنگجوؤں کو تنخواہ بھی ادا کرے گا۔