امریکا نے افغانستان کی امداد سے متعلق سلامتی کونسل میں نئی قرار داد پیش کر دی
واشنگٹن (92 نیوز) امریکا نے افغانستان کی امداد سے متعلق سلامتی کونسل میں نئی قرار داد پیش کر دی۔
خبرایجنسی کے مطابق چین اور روس نے امریکا کی پہلی قرار داد کی مخالفت کی تھی۔ دونوں ممالک کو امداد کے لیے استثنیٰ کے طریقہ کار پر اختلاف تھا۔ چین طالبان پر اقتصادی پابندیوں کے بھی خلاف ہے۔
اقوام متحدہ میں چینی سفیر کا کہنا تھا کہ مصنوعی پابندیاں قابل قبول نہیں۔ افغان عوام کو امداد بغیر رکاوٹ کے ملنی چاہیے۔