امریکا نے افغانستان میں آنے سے قبل ہم سے مشورہ کیا نہ جاتے وقت، شاہ محمود

اسلام آباد (92 نیوز) وزیرِخارجہ شاہ محمود قریشی کہتے ہیں کہ، امریکا نے افغانستان میں آنے سے قبل ہم سے مشورہ کیا نہ جاتے وقت۔

شاہ محمود قریشی الجزیرہ کو انٹرویو میں بولے کہ، پاکستان نے بہت الزامات برداشت کر لیے، اب یہ سلسلہ بند ہونا چاہیے۔ اپنی اندرونی ناکامیوں کی ذمہ داری پاکستان پر نہ ڈالی جائے۔

اُنہوں نے کہا، پاکستان افغانستان میں اجتماعیت کی حامل حکومت چاہتا ہے، جہاں انسانی حقوق کا احترام ہو، طالبان کے حالیہ بیانات حوصلہ افزا ہیں۔