امتحانات کے حکومتی اعلان پر طلباء کا راولپنڈی کے فیض آباد چوک پر احتجاجی مظاہرہ

راولپنڈی (92 نیوز) حکومت کے امتحانات کے اعلان پر طلبا سڑکوں پر آ گئے، راولپنڈی میں طلباء نے حکومتی فیصلے کے خلاف فیض آباد چوک پر احتجاجی مظاہرہ کیا۔

طلباء نے اسلام آباد جانے والے راستے کو مکمل طور پر بند کردیا، وفاقی وزیر تعلیم شفقت محمود کے خلاف نعرہ بازی کی۔ ٹریفک کی روانی متاثر ہے۔

طلباء کا مطالبہ تھا کہ وفاقی اور صوبائی حکومتیں کورونا وائرس کے خطرات کے پیش نظر فیصلے پر نظر ثانی کریں اور آن لائن امتحانات لئے جائیں۔