الیکشن کمیشن نے عام انتخابات میں پاک فوج کی تعیناتی کی منظوری دیدی
اسلام آباد ( 92 نیوز ) الیکشن کمیشن نے عام انتخابات میں پاک فوج کی تعیناتی کی منظوری دیدی سمری وزارت دفاع کو ارسال کر دی ۔
خط کے مطابق پاک فوج کے جوان پولنگ اسٹیشنز کے اندر اور باہر تعینات ہونگے، خط میں سفارش کی گئی کہ پولنگ اسٹیشنز پر فول پروف سکیورٹی تعینات کی جائے ۔
اس سے پہلے انتخابات میں فوج صرف پولنگ اسٹیشن کے باہر تعینات رہ کر سکیورٹی کے فرائض انجام دیتی تھی ۔
عام انتخابات 2018 اگلے ماہ 25 تاریخ کو ہوں گے ، نگران حکومت انتخابات کے شفاف اور پر امن انعقاد کیلئے ہر ممکن سعی کر رہی ہے ۔
دوسری جانب الیکشن کمیشن نے معذور افراد کیلئے پوسٹل بیلٹ پیپرکی سہولت کا اعلان کردیا ، معذورافراد کا شناختی کارڈ رکھنے والے پانچ جولائی تک متعلقہ ریٹرننگ افسر کو درخواست دے سکتے ہیں۔
