اللہ تعالی کے حضور شکر گزار ہیں کہ وزیراعظم عمران خان فتح مند ہوئے، شبلی فراز
اسلام آباد (92 نیوز) وفاقی وزیر اطلاعات شبلی فراز نے کہا، اللہ تعالی کے حضور شکر گزار ہیں کہ وزیراعظم عمران خان فتح مند ہوئے۔
وفاقی وزیر نے اپنے ٹویٹ پیغام میں لکھا کہ نوٹ کو عزت دو کا منہ ایک بار پھر کالا ہوا اور اپوزیشن کے بد ارادے ایک بار پھر زمین بوس ہوئے۔
اللہ تعالی کے حضور شکر گزار ہیں کہ وزیراعظم عمران خان فتح مند ہوئے۔نوٹ کو عزت دو کا منہ ایک مرتبہ پھر کالا اور اپوزیشن کے بد ارادے ایک بار پھر زمین بوس ہوئے۔عمران خان نے پھر ثابت کیا وہ ایک سچے، کھرے اور بہادر قائدہیں جو اصولوں پر سمجھوتا نہیں کرتے۔
— Senator Shibli Faraz (@shiblifaraz) March 6, 2021
اُنہوں نے مزید لکھا کہ تمام پارلیمنٹیرینز خاص طور پر اتحادی جماعتوں کے ارکان کا تہہ دل سے شکریہ ادا کرتے ہیں۔ پاکستان کی ترقی، خوشحالی اور عوام کے مسائل کے حل کے لیے حتمی اہداف کے حصول تک چین سے نہیں بیٹھیں گے۔ قوم کی توقعات پر پورا اتریں گے انشاءاللہ !