الطاف حسین کی تقریر نے انتشار پھیلایا، قومی اسمبلی میں آج مذمتی قرارداد پیش کرینگے: شاہ محمود قریشی

لاہور (92نیوز) تحریک انصاف کے رہنما شاہ محمود قریشی نے کہا ہے کہ ایم کیو ایم کے قائد کے خطاب نے پورے ملک میں انتشار پھیلایا ہے، الطاف حسین کی تقریرپر قومی اسمبلی میں مذمتی قرارداد پیش کریں گے۔ انہوں نے کہا کہ تحریک انصاف آج قومی اسمبلی میں قرارداد پیش کرے گی۔ قرارداد شیریں مزاری جمع کرائیں گی۔ انہوں نے اس موقع پر کہا کہ غیرملکی سکیورٹی ایجنسی سے مدد طلب کرنے کی مذمت کرتے ہیں۔ انہوں نے مزید کہا کہ حکومت سے آئین کے مطابق فیصلہ کرنے کی درخواست کرتے ہیں، الطاف حسین برطانیہ کے شہری ہوتے ہوئے پاکستان میں انتشار پھیلا رہے ہیں، حکومت برطانیہ کی بھی ذمہ داری ہے کہ وہ اپنے شہری کے عمل کا نوٹس لیں۔