اقوام متحدہ کی سکیورٹی کونسل کا لیبیا میں سیز فائر کا مطالبہ
نیو یارک ( 92 نیوز ) اقوام متحدہ کی سکیورٹی کونسل نے لیبیا میں سیز فائر کا مطالبہ کرتے ہوئے تنازع کے سیاسی حل پر زور دیا ہے ۔
لیبیا میں مہاجرین کے کیمپ پر فضائی حملے کے بعد اقوام متحدہ کی سکیورٹی کونسل کا ہنگامی اجلاس ہوا، اجلاس میں تمام ممبران نے حملے کی مذمت کرتے ہوئے کہا کہ لیبیا میں دیرپا امن و استحکام سیاسی حل کے ذریعے ہی ممکن ہے ۔
اجلاس میں کہا گیا کہ لیبیا کے تمام فریق اقوام متحدہ کی ثالثی میں ہونے والے سیاسی مذاکرات کی طرف آئیں،اقوام متحدہ نے دیگر ممالک سے مطالبہ کیا کہ وہ لیبیا تنازع میں مداخلت اور شدت پیدا کرنے سے گریز کریں۔