اقوام متحدہ میں مقبوضہ کشمیر میں حق خود ارادیت بارے پیش کردہ قرارداد منظور

نیو یارک ( 92 نیوز) اقوام متحدہ میں مقبوضہ علاقوں میں حق خود ارادیت پر پاکستان کی جانب سے پیش کردہ قرارداد اتفاق رائے سے منظور کر لی گئی ۔ اقوام متحدہ میں پاکستان کی مستقل مندوب ملیحہ لودھی کا کہنا تھا کہ  قرارداد میں  مقبوضہ علاقوں کو آزادی دلوانے اور غاصبانہ تسلط ختم کرنے کی سفارش کی گئی ہے ۔ ملیحہ لودھی نے مزید کہا کہ  قرارداد میں حق خود ارادیت کی عالمگیریت پر  بھی زور دیا گیا ۔ پاکستانی قرارداد کا پاس ہونا اس بات کا ثبوت ہے کہ اقوامِ عالم تمام مقبوضہ علاقوں بالخصوص کشمیر اور فلسطین میں حق خود ارادیت پر زور دیتی ہے۔