افغانستان میں انسانی بحران سے پاکستان سمیت علاقائی ممالک کو شدید خطرہ ہے، دفتر خارجہ

اسلام آباد (92 نیوز) ترجمان دفتر خارجہ عاصم افتخار کا نائنٹی ٹو نیوز سے خصوصی گفتگو میں کہنا ہے افغانستان میں انسانی بحران سے پاکستان سمیت علاقائی ممالک کو شدید خطرہ ہے۔

ترجمان عاصم افتخار نے کہا اوآئی سی اجلاس میں قلیل، درمیانی اور طویل مدتی منصوبہ تشکیل دیا جائے گا، افغانستان کی تعلیم، صحت سمیت تمام شعبوں میں استعداد بڑھانے کے لیے اقدامات تجویز کیے جائیں گے۔

انہوں نے مزید کہا کہ افغان مسئلہ پراقوام متحدہ کی سلامتی کونسل کے مستقل ارکان پرکلیدی ذمہ داری عائد ہوتی ہے۔