افغانستان میں امن کے قیام کیلئے تنہا پاکستان کچھ نہیں کر سکتا، شاہ محمود قریشی
اسلام آباد ( 92 نیوز) وزیر خارجہ شاہ محمود قریشی کا کہنا ہے کہ افغانستان میں قیام عمل کیلئے تنہا پاکستان کچھ نہیں کر سکتا ، بھارت کو منفی کردار ادا نہیں کرنا چاہیے، افغانستان عالمی معاملہ ہے، قطر کے کردار کو نظر انداز نہیں کیا جاسکتا۔
وزیر خارجہ نے کہا کہ پاک فوج نے امن و امان کی صورتحال قائم کرنے کیلئے اہم کردار ادا کیا، پاکستان میں امن و امان کی صورتحال میں بہتری آئی ہے ، کرتار پور راہداری کے معاملے پر دنیا بھر کے کروڑوں سکھوں نے ہمارے عمل کو سراہا ہے ۔
شاہ محمود قریشی کا کہنا تھا کہ ملک میں احتساب کے عمل کو ہم نہیں روک سکتے ، وزیر اعظم نے بھی کہا کہ شہباز شریف کو چیئرمین پبلک اکاؤنٹس کمیٹی بننے پر عالمی سطح پر سبکی ہو گی ، عام انتخابات 2018 کی تحقیقات کے لئے ہم نے انکار نہیں کیا۔