افغان عدالت نے سربراہ حقانی نیٹ ورک کے بیٹے کو سزائے موت سنا دی
کابل (ویب ڈیسک) افغانستان میں حقانی نیٹ ورک کے سربراہ جلال الدین حقانی کے بیٹے کو سزائے موت سنا دی گئی۔ افغان میڈیا کے مطابق انس حقانی مبینہ طور پر حقانی نیٹ ورک کے مالیاتی شعبہ کاسربراہ ہے۔
تفصیلات کے مطابق افغانستان کی مقامی عدالت نے جلال الدین حقانی کے بیٹے اور سراج الدین حقانی کے بھائی انس حقانی کو موت کی سزا سنائی۔ انس حقانی کو امریکی فورسز نے 2014ءمیں اس وقت گرفتار کیا تھا جب ایک اور رہنما حافظ راشد کیساتھ قطر کے دورے پر تھے۔
طالبان ذرائع نے بھی ان کی گرفتاری کی تصدیق کی تھی۔ دونوں رہنماﺅں کو بعدازاں افغان حکام کے حوالے کر دیا گیا تھا۔ افغان میڈیا کے مطابق اٹارنی جنرل دفتر کے ترجمان نے انس حقانی کی سزائے موت کی تصدیق کی ہے تاہم طالبان ذرائع ابھی تک خاموش ہیں۔