افغان طالبان کا امریکا کیساتھ پاکستان میں مذاکرات کا اعلان
اسلام آباد ( 92 نیوز) افغان طالبان نے امریکا کیساتھ پاکستان میں مذاکرات کا اعلان کر دیا ،مذاکرات 18 فروری کو اسلام آباد میں ہوں گے ۔
افغانستان میں دیرپا استحکام اور مفاہمتی عمل کی کامیابی کے لئے بڑی پیشرفت سامنے آئی ہے ، افغان طالبان نے امریکا کیساتھ مذاکرات اسلام آباد میں کرنے کا اعلان کر دیا۔
پاکستان کی دعوت پر فریقین میں بات چیت 18 فروری کو اسلام آباد میں ہو گی ۔ طالبان وفد وزیر اعظم پاکستان عمران خان سے بھی ملاقات کرے گا۔
طالبان اور امریکا کے مذاکرات کا اگلا دور 25 فروری کو دوحہ میں ہوگا۔