افغان حکومت اور طالبان کے مابین امن مذاکرات آگے بڑھانے پر معاہدہ ہو گیا

زلمے خلیل زاد کے مطابق معاہدہ تین صفحات پر مشتمل ہے جس میں سیاسی روڈ میپ اور سیزفائرکے حوالے سے قواعد و ضوابط پر اتفاق ہوا۔ ان کا کہنا ہے کہ معاہدہ ظاہرکرتا ہے کہ فریقین مشکل معاملات کے حل پر بھی اتفاق کر سکتے ہیں۔

انہوں نے دونوں فریقین اور قطر کا بھی شکریہ ادا کیا۔ امریکی نمائندہ خصوصی کا کہنا تھا کہ اب افغان عوام سیاسی روڈ میپ اور سیزفائر پر تیز رفتار پیشرفت کی امید رکھتے ہیں۔ہم ان کی اس خواہش کو سمجھتے ہیں اور اس کی حمایت کرتے ہیں۔