اطالوی کارساز کمپنی نے اپنی گاڑیوں کی فروخت کیلئے ایمازون سے معاہدہ کر لیا
![اطالوی کارساز کمپنی نے اپنی گاڑیوں کی فروخت کیلئے ایمازون سے معاہدہ کر لیا](https://urdu.92newshd.tv/wp-content/uploads/2016/11/fiat.jpg)
روم (ویب ڈیسک) اطالوی کارساز کمپنی نے اپنی گاڑیوں کی فروخت کیلئے انٹرنیٹ کی بڑی ویب سائٹ ایمازون سے معاہدہ کر لیا۔ تفصیلات کے مطابق اطالوی کارساز کمپنی فیٹ کریسلر آٹو موبائلز نے ایمازون کے ساتھ معاہدے کا اعلان کرتے ہوئے کہا ہے کہ کمپنی کی گاڑیاں اب مذکورہ ویب سائٹ پر ڈسکاﺅنٹ ریٹ پر حاصل کی جا سکتی ہیں۔
معاہدے کے مطابق ابتدائی طور پر صرف اطالوی خریدار ہی اس سہولت سے فائدہ اٹھا سکتے ہیں جو ویب سائٹ ایمازون پر جا کر ایک کلک پر ہی اپنی پسندیدہ گاڑی بک کرا سکتے ہیں۔ ذرائع کے مطابق فی الحال کمپنی کے تین ماڈلز فائیو ہنڈرڈ‘ پانڈا اور فائیو ہنڈرڈ ایل ایمازون پر فروخت کیلئے دستیاب ہیں۔ واضح رہے کہ پانڈا اس وقت اٹلی میں سب سے زیادہ فروخت ہونے گاڑی ہے۔