اسپیشل اولمپکس ورلڈ گیمز میں پاکستان کا نام روشن کرنیوالا دستہ وطن واپس پہنچ گیا

کراچی ( 92 نیوز) ابوظہبی میں کھیلے گئے اسپیشل اولمپکس ورلڈ گیمز میں پاکستان کا پرچم بُلند کرنے والے اسپیشل اولمپیئنز کراچی پہنچ گئے ۔ ورلڈ گیمز میں 195 ٹیموں نے حصہ لیا  لیکن پاکستانی کھلاڑیوں نے کسی قسم کی معذوری کو خود پر حاوی نہیں ہونے دیا اور 64 تمغے پاکستان کے نام کیے  ۔ کراچی آمد پر کھلاڑیوں کو شاندار استقبال کیا گیا ۔

متحدہ عرب امارات میں اسپیشل اولمپکس ورلڈ گیمز میں پاکستان کا نام روشن کرنے والے ستارے کراچی پہنچ گئے  جہاں شاندار استقبال کیا گیا ۔

اسپیشل اولمپئنز نے سونے، چاندی اور کانسی کے 64 تمغے پاکستان کے نام کیے ، پُرجوش کھلاڑی مستقبل میں بھی پاکستان کا نام روشن کرنے کیلئے پُرامید ہیں ۔

کھلاڑیوں نے ثابت کردیا کہ حوصلے بلند ہوں تو کوئی بھی معذوری کامیابی میں رکاوٹ نہیں بن سکتی  ۔