اسٹیل ملز سے برطرفی کی خبر سن کر دل کا دورہ پڑ جانے سے انتقال کرنیوالا شخص سپرد خاک
پاکستان اسٹیل ملز کے ملازمین کی جبری برطرفیوں کی خبر حبیب رحمان پر قیامت بن کر گری اور گزشتہ روز دل کا دورہ پڑنے سے انتقال کر گیا تھا جس کی نمازجنازہ آج ادا کی گئی ۔
دم توڑجانے والے شخص کے بیٹے نے کہا کہ حکومت اسٹیل ملز کو بحال کر کے ملازمین رکھنے کا وعدہ کرکے مکر گئی ۔
نمازجنازہ کے بعد ملازمین نیشنل ہائی وے پر نکل آئے ، جس کے باعث گاڑیوں کی طویل لائنیں لگ گئیں ۔مظاہرین نے نیشنل ہائی وے پر دھرنا دیا اور وفاقی حکومت کیخلاف نعرے لگا کر دل کی بھڑاس نکالی ۔
حبیب رحمان کی تدفین مقامی قبرستان میں کردی گئی ۔
پاکستان اسٹیل ملز کے احتجاجی ملازمین نے وزیراعظم عمران خان سے برطرفیوں کا فیصلہ فوری واپس لینے کا مطالبہ کردیا ۔
