یوم پاکستان پر تینوں مسلح افواج کی شکر پڑیاں گراؤنڈ میں مشترکہ پریڈ
اسلام آباد ( 92 نیوز ) یوم پاکستان کی پریڈ شکر پڑیاں گراؤنڈ اسلام آباد میں تینوں مسلح افواج کی جانب سے پریڈ کی گئی ۔
پریڈ میں صدر مملکت ڈاکٹر عارف علوی ، وزیر اعظم عمران خان ،جوائنٹ چیفس آف اسٹاف کمیٹی اور تینوں مسلح افواج کے سربراہان سمیت پارلیمنٹ کے ارکان شریک ہیں ۔
ترکی ، چین ، سری لنکا ، سعودی عرب ، بحرین ، آذربائیجان اور عمان کی شخصیات اور دستے بھی یوم پاکستان کی پریڈ میں موجود ہیں ۔
صدر مملکت ڈاکٹر عارف علوی نے پریڈ کا معائنہ کیا ،جس کے بعد پاک فضائیہ اور بحریہ نے شاندار فلائی پاسٹ کا مظاہرہ کیا۔
ایف 16 ،جے ایف تھنڈر 17 ، میراج طیاروں نے فضاؤں میں فلائی پاسٹ کا مظاہرہ کر کے شرکا کا لہو گرمایا۔