اسلام آباد ہائی کورٹ نے الیکشن کمیشن کو فریال تالپور نااہلی کیس کی سماعت سے روک دیا

اسلام آباد (92 نیوز) فریال تالپور کے خلاف الیکشن کمیشن میں جاری نااہلی کیس میں بڑا ریلیف آ گیا۔ اسلام آباد ہائیکورٹ نے الیکشن کمیشن کو نااہلی کیس کی سماعت سے روک دیا۔

دوران سماعت فریال تالپور کے وکیل فاروق ایچ نائیک نے دلائل دیئے کہ الیکشن کمیشن نااہلی کیس کی بحالی کی درخواست پر ہمیں سنا ہی نہیں۔ الیکشن کمیشن نے ایم پی اے ارسلان تاج اور رابعہ افضل کی درخواست پر نااہلی کیس کھول دیا۔ دونوں ایم پی ایز کی عدم پیری پر خود الیکشن کمیشن بھی پہلے درخواست خارج کر چکا تھا۔ الیکشن کمیشن کا 8 فروری کا فیصلہ کالعدم قرار دیکر کارروائی سے روکا جائے۔

عدالت نے سماعت 28 مئی تک ملتوی کر دی۔