اسلام آباد انتظامیہ اور پولیس کا احتساب عدالت کے مقام کی تبدیلی پر غور
اسلام آباد ( 92 نیوز ) شریف خاندان اور اسحاق ڈار کی احتساب عدالت میں پیشی کیلئے نئے لائحہ عمل پر غور کیا جارہا ہے ۔
ضلعی انتظامیہ اور پولیس کے اعلیٰ حکام نے مقام کی تبدیلی پر مشاورت شروع کر دی ۔
پولیس حکام نے گزشتہ پیشی پر ہنگامہ آرائی کے پیش نظر عدالت کو ریڈ زون میں منتقل کرنے کی سفارش کی تھی ۔
مستقبل میں کسی ہنگامہ آرائی کے تدارک کے پیش نظر احتساب عدالت کا مقام تبدیل کرنے پر غور کیاجارہا ہے ۔