اسرائیل پورے فلسطین کو قبرستان بنانے پر تلا ہوا ہے ، شہباز شریف
لاہور (92 نیوز) شہباز شریف نے غزہ پر حملوں کی شدید مذمت کرتے ہوئے کہا اسرائیل پورے فلسطین کو قبرستان بنانے پر تلا ہوا ہے۔
شہباز شریف نے کہا عالمی برادری، اوآئی سی، عرب لیگ اسرائیلی ظلم وبربریت رکوانے کے لئے فوری کردار ادا کریں۔ اسرائیلی ظلم نہ روکا گیا تو پورا خطہ اور دنیا تباہی وبربادی کے جہنم میں جاگرے گی۔
وزیر اعلیٰ عثمان بزدار نے کہا اسرائیل بچوں اور خواتین کو نشانہ بنا کر بربریت کا مظاہرہ کر رہا ہے۔ اسرائیلی مظالم پر عالمی برادری کی خاموشی مجرمانہ غفلت کے مترادف ہے۔ اسپیکر پنجاب اسمبلی چودھری پرویز الہٰی نے کہا کہ قبلہ اول کی حرمت کے حوالے سے کوئی مسلمان خاموش نہیں رہ سکتا ۔ پاکستانی عوام فلسطینیوں کے ساتھ کھڑے ہیں۔
I just can’t
understand why it is so difficult to treat others as you would want to
be treated, or even better yet treat each others as human beings. #PrayForPalestine
ادھر ویسٹ انڈیز کے سابق کپتان ڈیرن سیمی بھی فلسطینیوں کے حق میں بول پڑے۔ ٹویٹر پیغام میں کہا سمجھ نہیں آتا کہ دوسروں کے ساتھ ایسا ہی برتاؤ کرنا کیوں مشکل ہے جیسا آپ اپنے ساتھ کیے جانے کے خواہشمند ہیں۔ ڈیرن سیمی نے’’پرے فار فلسطین‘‘ ہیش ٹیگ بھی استعمال کیا۔