اسامہ قتل کیس میں گرفتار 5 ملزمان کا مزید 3 روزہ جسمانی ریمانڈ منظور
اسلام آباد (92 نیوز) انسداددہشت گردی عدالت نے اسامہ قتل کیس میں گرفتار 5 ملزمان کا مزید 3 روزہ جسمانی ریمانڈ منظورکرلیا۔ مقدمے کا تفتیشی افسر تبدیل کردیا گیا۔
طالب علم اسامہ ستی قتل کیسز میں گرفتار 5 پولیس اہلکاروں کو جسمانی ریمانڈ مکمل ہونے پرانسداد دہشت گردی عدالت کے جج راجہ جواد عباس کے روبرو پیش کیا گیا۔
وکیل صفائی نے دلائل دیئے کہ ہماری استدعا تھی کہ تفتیش افسر تبدیل کیا جائے۔ تفتیشی افسر تبدیل کر دیا گیا۔ عدالت نے ملزمان کو مزید 3 روزہ جسمانی ریمانڈ پر پولیس کے حوالے کردیا۔