ارکان سندھ اسمبلی کے مالی گوشواروں کی تفصیلات جاری
اسلام آباد(92 نیوز) الیکشن کمیشن نے ارکان سندھ اسمبلی کے مالی گوشواروں کی تفصیلات جاری کردی ۔ وزیر اعلیٰ سندھ مراد علی شاہ 23 کروڑ 35 لاکھ روپے سے زائد اثاثوں کے مالک نکلے ۔
وزیر اعلیٰ سندھ کے پاس ڈیڑھ کروڑ مالیت کی دوگاڑیاں ہیں ، مراد علی شاہ کو والدہ کی طرف سے سو تولہ سونا تحفہ ملا ،بیٹی کے نام ڈی ایچ اے میں تین کروڑ مالیت کے دو پلاٹ بھی ہیں ۔
اسپیکر سندھ اسمبلی آغا سراج درانی 10 کروڑ 20 لاکھ روپے سے زائد اثاثوں کے مالک ہیں، اسپیکر سندھ اسمبلی آغا سرج درانی 6 کروڑ 16 لاکھ روپے میں موجود ہیں پندرہ لاکھ اسلحہ ظاہر کیا ہے ۔
رکن سندھ اسمبلی فریال تالپور 39 کروڑ روپے سے زائد اثاثوں کی مالکن ہیں ، فریال تالپور کے 980 گرام کے زیورات اور ایک کروڑ روپے سے زائد مالیت کی تین گاڑیاں ہیں۔
سندھ کے صوبائی وزیر تعلیم سعید غنی 2 کروڑ 31 لاکھ روپے اثاثوں کے مالک ہیں ، سندھ کے سعید غنی نے سو تولہ ظاہر کیا ہے ۔
سندھ کے وزیر اطلاعات ناصر حسین شاہ 13 کروڑ سے زائد اثاثوں کے مالک ہیں ، ناصر حسین شاہ کے پاس 477 تولے سونا ظاہر کیا ہے ۔
سندھ کے صوبائی وزیر سہیل انور سیال 9 کروڑ اٹھائیس لاکھ روپے کے مالک نکلے ۔ پی ٹی آئی کے فردوس شمیم نقوی 33 کروڑ چالیس لاکھ روپے کے مالک نکلے ، حلیم عادل شیخ 2 کروڑ سے زائد اثاثوں کے مالک ہیں ۔