اربوں کے کرپشن کیس میں بابرغوری کے ناقابل ضمانت وارنٹ گرفتاری جاری
کراچی ( 92 نیوز) کراچی کی احتساب عدالت نے پونے تین ارب روپے سے زائد کرپشن کیس میں سابق وفاقی وزیر بابرغوری کے ناقابل ضمانت وارنٹ گرفتاری جاری کردیئے۔
کراچی پورٹ ٹرسٹ میں 940غیرقانونی بھرتیاں کی گئیں جس سے قومی خزانے کو دو ارب اٹھاسی کروڑ پچپن لاکھ سترہ ہزار آٹھ سو انسٹھ روپے کا نقصان ہوا۔احتساب عدالت نے سابق وفاقی وزیر بابر غوری کے ناقابل ضمانت وارنٹ جاری کردئے۔
تفتیشی افسر نے مفرور ملزمان کی گرفتاری کے لئے مہلت طلب کرلی
ایم کیو ایم کے رکن سندھ اسمبلی ملزم جاوید حنیف و دیگر ملزمان عدالت میں پیش ہوئے۔عدالت نے ریفرنس کی مزید سماعت 18 اکتوبر تک ملتوی کردی
بابرغوری سمیت آٹھ ملزمان پر الزام ہےکہ انہوں نے دوہزار بارہ میں کے پی ٹی میں 940غیرقانونی بھرتیاں کیں جس سے خزانےکے پونے تین ارب روپے کا نقصان ہوا۔
