اربوں روپے کی کرپشن کرنیوالے ای او بی آئی کے سابق چیئرمین ظفر گوندل کی درخواست ضمانت خارج
اسلام آباد (92نیوز) اسلام آباد ہائیکورٹ نے سابق چیئرمین ای او بی آئی ظفر گوندل کی بعد از گرفتاری درخواست ضمانت خارج کر دی۔ سابق چیئرمین ظفر گوندل کو ایف آئی اے نے ای او بی آئی میں اربوں روپے کی مالی کرپشن کے الزام میں گرفتار کیا تھا جس پر ظفر گوندل نے بعد از گرفتاری ضمانت کےلئے درخواست دی تھی۔
جسٹس شوکت عزیز صدیقی نے درخواست ضمانت پر دلائل سننے کے بعد درخواست خارج کردی۔ عدالت نے کیس تفتیش کےلئے نیب کے حوالے کر دیا۔