ادلب میں روسی طیاروں کی بمباری ، 9افراد ہلاک
ادلب ( 92 نیوز) شامی صوبے ادلب میں روسی جیٹ طیاروں کی بمباری کے نتیجے میں نو افراد ہلاک اور دس زخمی ہوگئے ۔
سیرئن آبزرویٹری کے مطابق روسی طیاروں نے ادلب میں چار دیہاتوں کو نشانہ بنایا جس میں نو افراد ہلاک اور دس زخمی ہوئے ، متعدد افراد تاحال ملبے تلے موجود ہیں جس کے باعث ہلاکتیں بڑھنے کا خدشہ ہے ۔
سیرئن آبزرویٹری کے مطابق فضائی بمباری کے دوران شام کی حکومتی فورسز کی جانب سے علاقے میں شیلنگ بھی کی گئی ۔
ادلب میں ایک ماہ کے دوران شامی اور روسی فورسز کی کارروائیوں میں تیرہ بچوں سمیت پچھتر افراد ہلاک ہوچکے ہیں ۔