اداکارہ مریم انصاری معین خان کی بہو بن گئیں
کراچی ( ویب ڈیسک ) اداکارہ مریم انصاری سابق وکٹ کیپر بلے باز اور سابق کپتان معین خان کی بہو بن گئیں ۔ مریم انصاری کی شادی معین خان کے صاحبزادے اویس خان سے ہوئی ۔
معین خان کے صاحبزادے اویس خان نے اپنے انسٹاگرام کے ذریعے مریم انصاری سے نکاح و شادی کی دیگر تقریبات کی ویڈیوز اور تصاویر شیئر کیں جبکہ نکاح کی براہ راست نشریات بھی دکھائیں ۔
شادی کی تقریب میں شوبز ستارے بھی اہلخانہ کے ہمراہ شریک تھے ۔ دوسری جانب سوشل میڈیا پر نئے جوڑے کی تصاویر خوب توجہ کا مرکز بن رہی ہیں جب کہ مداحوں کی جانب سے نیک خواہشات کا سلسلہ بھی جاری ہے ۔