اختیارات کی منتقلی میں تاخیر کورونا وباء سے مزید لوگوں کی ہلاکت کا باعث بنے گی ، جوبائیڈن

واشنگٹن (92 نیوز) نو منتخب امریکی صدر جوبائیڈن کا کہنا ہے کہ  اختیارات کی منتقلی میں تاخیر کی گئی تو کورونا وباء سے مزید لوگ ہلاک ہو جائیں گے ۔

جوبائیڈن کا کہنا تھا کہ صدر ٹرمپ اور انتظامیہ اختیارات کی منتقلی میں پس وپیش کر رہے ہیں،جتنی جلدی اختیارات ملیں گے ویکسین کی جلد تقسیم پر کام ہو سکے گا۔

انہوں نے مزید کہا کہ ہمارے معاشی پروگرام سے 30 لاکھ اچھی تنخواہ والی نوکریاں پیدا ہوں  گی۔