احسن اقبال کا 13 روزہ جسمانی ریمانڈ منظور
اسلام آباد ( 92 نیوز) نارووال اسپورٹس سٹی کی تعمیر میں کرپشن کے الزام میں گرفتار احسن اقبال کا 13 روزہ جسمانی ریمانڈ منظور کر لیا گیا ۔
نیب کی جانب سے مسلم لیگ ن کے مرکزی جنرل سیکرٹری اور سابق وفاقی وزیر کو احتساب عدالت اسلام آباد میں پیش کیا گیا ، عدالت سے ان کے جسمانی ریمانڈ کی استدعا کی گئی جس پر احتساب عدالت اسلام آباد نے احسن اقبال کو 13 روزہ جسمانی ریمانڈ پر نیب کے حوالے کر دیا ۔
دوران سماعت احسن اقبال کا کہنا تھا کہ نارووال اسپورٹ سٹی منصوبے کی تمام متعلقہ اداروں سے منظوری لی ، فنڈز پی ایس دی کے ذریعے جاری ہوئے ۔