احد چیمہ کیخلاف آمدن سے زائد اثاثے بنانے کا ایک اور ریفرنس دائر

لاہور ( 92 نیوز) آشیانہ اقبال ہاؤسنگ اسکینڈل میں گرفتار سابق ڈی جی ایل ڈی اے احد چیمہ کے خلاف آمدن سے زائد اثاثے بنانے کا ایک اور ریفرنس دائر کردیا گیا۔ آشیانہ اقبال ہاؤسنگ اسکینڈل میں نیب کے زیرحراست سابق ڈی جی ایل ڈی اے احدچیمہ کے خلاف ناجائزاثاثوں کاریفرنس دائر کر دیا گیا ،  احتساب عدالت کے جج نجم الحسن کیس پر سماعت کریں گے  جب کہ نیب پراسیکیوٹر وارث علی جنجوعہ دلائل دیں گے ۔ احد چیمہ کے اربوں روپے کی جائیداد کی تفصیلات  ریفرنس میں پیش  کردی گئی ہیں ،  ریفرنس کے مطابق احد چیمہ کے اثاثہ جات آمدن سے زائد ہیں ، نیب کی تحقیقات میں احد چیمہ اس بارے میں تسلی بخش جواب نہیں  دے سکے۔ احدچیمہ نیب لاہور میں زیرحراست ہیں اوران سے آشیانہ اقبال ہاؤسنگ اسکینڈل کی تحقیقات کی جارہی ہیں، نیب ذرائع کے مطابق ان سے تحقیقات میں اہم معلومات حاصل ہوئی ہیں۔