احتساب کے بیانیے کو نواز شریف کے باہر جانے، عدالتوں سے ریلیف سے سخت زد پڑی ، فواد چودھری

 اسلام آباد (92 نیوز) وفاقی وزیر برائے سائنس اینڈ ٹیکنالوجی فواد چوہدری نے کہا احتساب کے بیانیے کو نواز شریف کے باہر جانے، نیب کی کمزور پراسیکیوشن اور عدالتوں سے ریلیف سے سخت زد پڑی۔

احتساب کے بیانئے کو نواز شریف کے باہر جانے، نیب کی کمزور پراسیکیوشن اور عدالتوں سے ریلیف سے سخت زد پڑی ہے اس ماحول میں مریم نواز کا باہر جانا احتساب کے بیانئےکے تابوت میں آخری کیل ہو گا،اگر مریم نواز پلی بارگین کے بغیر باہر جاتی ہیں تو پاکستان میں جیلوں کے دروازے کھول دینے چاہئیں

— Ch Fawad Hussain (@fawadchaudhry) February 5, 2020

فواد چودھری نے ٹویٹ میں کہا مریم نواز کا باہر جانا احتساب کے بیانیے کے تابوت میں آخری کیل ہو گا۔ اگر مریم پلی بارگین کے بغیر باہر جاتی ہیں تو جیلوں کے دروازے کھول دینے چاہئیں۔ فیاض چوہان بولے بیگم صفدر مجرم ہیں، باہر نہیں جا سکتیں۔ حکومت اور عدالت کبھی اجازت نہیں دیں گی۔