احتساب عدالت نے نیب میں گرفتار آصف زرداری  سے بچوں کو ملاقات کی اجازت دیدی

اسلام آباد ( 92 نیوز) احتساب عدالت نے نیب میں گرفتار آصف علی زرداری سے بچوں کو ملاقات کی اجازت دیدی ۔ آصف علی زرداری میگا منی لانڈرنگ کیس میں 10 روزہ جسمانی ریمانڈ پر نیب کی حراست میں ہیں ۔ آصف علی زرداری کی جانب سے نیب پر بد نیتی کا الزام لگا کر اسلام آباد ہائیکورٹ میں درخواست دائر کی گئی تھی  ۔ اسلام آباد ہائیکورٹ نے  آصف زرداری کی درخواست مسترد کرتے ہوئے فیصلہ دیا تھا کہ  ملزم نیب کی بدنیتی ثابت کرنے میں ناکام رہا۔