احتجاج کا حق سب کو ہے لیکن ہلڑ بازی برداشت نہیں کریں گے ، وزیراعظم

اسلام آباد (92 نیوز) وزیراعظم عمران خان کا کہنا ہے احتجاج کا حق سب کو ہے لیکن ہلڑ بازی برداشت نہیں کریں گے۔

وزیراعظم کی زیر صدارت ایوان کا ماحول بہتر بنانے کیلئے اجلاس ہوا۔ وفاقی وزراء، پارٹی عہدیداروں اور اتحادیوں نے بھی شرکت کی۔

وزیراعظم کا کہنا ہے ایوان میں جو کچھ ہوا اس پر دکھی ہوں۔ احتجاج کا حق سب کو ہے لیکن ہلڑ بازی برداشت نہیں کریں گے۔ وزیراعظم نے ہدایت کی پارلیمنٹ میں سازگار ماحول پیدا کرنا ہو گا۔ اس کیلئے نئے اصول و ضوابط مشاورت سے تیار کئے جائیں۔